نسرين

نسرين سحر عيونك الحلوين // منو حلا وزّع على التكوين
وكل ما اجى يطل القمر بسأل/// ان كانو قمارك بعد موجودين
بس السحر عا جسمك تكمّل// / من اسمك اللي ذاب رقة ولين
نيسان من تشرين بتبهدل////// ونيسان سحرك ما الو تشرين
اسمك ع قلبي شوي لو ينزل// بشفي جروح القلب هالمسكين
اسمك حنان الام المرسمل//// حروفو عليها اطفالها جايين
اسمك نبع صافي انسكب جدول// بحروف ذابو زهور عالميلين
اسمك شمع ذاب بعتم ليّل//// حروفو دموعو بحرقتو ذايبين
اسمك بألوانو خلق مشتل/// حروفو حبق مع فل مع ياسمين
خيّك ع اسمك لو نده بقتل// وبموت غيرة ان كررو مرتين
اسمك جمالو الساحري مغزل// حروفو غزلها خيوط بفساتين
اسمك غصن مسحور ما اجمل// حروفو ثمارو فيه علقانين
لو حرف مطرح حرف يتبدل// ببكي حروفو ليش مختلفين
بس ان رحل منو حرف برحل// قلبي برحيل الحرف مدري وين
حروفو الخمسة اسمك الانبل// / من بعدها حروف اللغة الباقيين
كل حرف فيها قال ما بقبل////// ابقى مثل منظر بلا تلوين
يا ريت كان الكون عم يجهل//// نطقي وما كنت بهاللغة ان كان
اسمك حملني حرف يا نسرين
****************
اهداها لي اخ في دنيا الوطن
اسمه طليع البرغوثي

اهااااااااااااااااااااااااااا

مو غلط

ما أروع ما خطه هذا القلم الذهبي المتألق

كلمات رائعة

تقبلي مروري دوماً

و فائق الإحترام و التقدير

تحيتي