حوار شامى بين رجل و زوجته

بالأمس ,,,,,,,,, اليوم

إليكم هذا الحوار بين (امرأة أيام زمان وزوجها):
الزوج : - مرحبا يامرة... شو عاملتينا عشا اليوم؟
الزوجة : - يه يه يه... تقبر عضامي... إجيت حبيبي؟!! تقبرني شو حركتك خفيفة ومابتزعج حدا...لك حلّت البركة على أرض الديار يا روحي...
طابختلك ططناج ويالنجي وكبة لبنية تقبشني...

الزوج : - يا الله يالله بلا كتر غلبة، قومي حطي الأكل قومي..
الزوجة : - لك إي مو تكرم ابن عمي... مو تكرم... لك من هالعين هَي قبل هَي...
الزوج: - ناموا الولاد؟
الزوجة من المطبخ : - ناموا حبيبي ناموا على عشية،

الزوج بعد أن يرى أصناف المائدة أمامه : إيييييييييييييييييييييييه.. باين السهرة رح تحلى اليوم...
يمضغ اللقمة الأولى ويقول: - ممممممممممممم طيبة هالكبة طيبة!!!
الزوجة رافعة يدييها للسماء : - لك روح... ربي مولايي يبيضلك أيامك...ويبعد عنك ولادين الحرام يا حق..
ينهي الزوج طعامه قائلاً: - الحمد لله...
الزوجة : - عجبك الأكل يا عمري...
الزوج : - إي والله... تسلم إيديكي... تعبتك معي..
الزوجة مرتبكة من الفرح: - عجبك الأكل؟؟!... لك تطلع على قبري شو إنّك هني وبتعرف تحكي... لك تكفنّي بإيديك على هالكلام الحلو يا حق.. بكرة بدي اعملّك حمام محشي وبطاطا بالفرن إي بدك تاكل أصابيعك وراهن... بعدين شو تعبتني وما تعبتني؟!...ليش أنا عندي غيرك بالدنيا يا حبيبي؟!!، لك تشكل آسي ياحق...
الزوج وهو ينشّف يديه بعد غسلها : - جاهزتيلي نفس الاركيلة ؟؟
الزوجة : - ولَو تقبشني... !!!وحطيتلكياها بجمب البحرة تقبرني...


وإليكم هذا الحوار بين (امرأة اليوم وزوجها):

الزوج : - مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة : - شو إيمتى جيت؟؟ مبكّر مو على عادتك يعني...على كلٍ عملتلك مجدرة برغل وعدس... شو بدي اطبخلك يعني ومبارح أكلت لحمة بالصينية؟؟...
الزوج : وين الاكل حبيبتي
الزوجة : - ليكو الأكل عندك بالمطبخ... وين بدو يروح يعني؟؟!! كمان بدي جبلك الأكل لحد عندك؟!
الزوج باتجاهه إلى المطبخ : - ناموا الولاد على حد علمك؟
الزوجة : إي شو نيّمهم هلق وبكرة عندهم عطلة؟؟؟ ...
الزوج يحدث نفسه من المطبخ: العمى شو هالمجدرة؟؟!!!!!...
يمضغ اللقمة الأولى
ويقول: - إي والله كأني عمباكل برادة حديد موبرغل!!!
على قولة عقيلة
الزوجة : - شو عم تبَربرت يا رجال؟؟
ينهي الزوج طعامه قائلاً: آ...؟؟ ما شي حبيبتي... ما شي...
الزوجة: - عجبك الأكل؟
وجة...الزوج بإحباط : - إي طبعاً طبعاً... تسلم إيديكي...
الزوجة بتأفف : - معناها كل يوم بعملك منها إذا حبيت...
الزوج وهو ينشّف يديه: جاهز نفس الاركيلة يا ترى؟؟
الزوجة ترمي الجريدة أرضاً صارخة في وجهه: - العمى على
هالقصة...طبختِ يامرة؟... ناموا الولاد يامرة؟...جاهز الحمام يا مرة؟... جهزتي الاركيلة حيبتي
اسماع حسووووون
إي
شو أنا ما عندي شغل غيرك يا رجال

ههههههههههههههههههههههه

بجد كتير حلو يسلمو ايديكي

تحيتي

شي كتير حلو الله يعطيكي العافية

على هذا الحوار الرائع

ههههههههههههه

يا هيك يا بلا

يسلمواااااااااااا

تحيتي