هوارة فتحاوية/

ع الهوارة الهوارة
والوضع زاد مرارة
ناس بتتستر بالدين
وناس ع الشر دوارة
ناس على كرت التموين
وناس شبعت يا خسارة
وناس بتعمل دواوين
بريجستية بمهارة
وناس ع الظلم صامدين
وناس بدها وزارة
وناس صاروا ضالعين
ع الحقد والكسارة
وناس صاروا ملونيين
كيف ما دارو برارة
وناس للفتنة عايشسين
هيك بدها الحضارة
وناس صاروا مهرجين
قرون نكل واسوارة
وحلق في الاذن حاطين
مرسيدس مع عمارة
وناس زينا غلبانين
كل واحد راهن دارة
وناس صاروا قناصين
كل واحد باخذ ثارة
والوضع على السكين
من غزة للمنارة
ع الكراسي مدورين
هيك بدها الادارة
وناس بالعشرة باصمين
سرسرية بشطارة
يا حسرة ع اللاجئين
في الخيم والعمارة
من كل طرف محاصرين
والباقي في المغارة
رجال الفتح مطاردين
قصف على السيارة
واولاد الغرب جايين
صارو رهن الاشارة
من ايران مزودين
بمال وضغينة ونارة
ومن دمشق مؤيدين
ضحك لحى وعبارة
والهود ملاحظين
بس لكن يا خسرة
لهلشلة موافقين
حكم فردي وامارة
والابطال مهددين
بخطف ابنه او جارة
يا حسرة على فلسطين
بيعوها باشارة
بالنفاق مسلحين
باسم الدين بمهارة
وعند رايس مجتمعين
بوش يخرب ديارة
باسم الارهاب مجوعين
شعب في عقر دارة
وفي العراق وفلسطين
نهب وسرقة بشطارة