يوم قلت أحبك

زائر

[size=25]يوم قلت أحبك

يوم أنـــا قلت أحبـــــك قلتها قبل عيني تلمح عيونــــــــك
قلتهـــا ولشوفتـــــك كـان قاتلنــــي وذابحنــي الفضــــول

يــــــــوم أنا قلت أحبـــــك مـا همني شكلك ولا لــونـــــك
قلتها والصبر يتغـذى بشـوقـــــي والوقـت أضحى عزول

اول ما سمعـــــت صوتك يومها أعلنت انـي مجنـونـــــك
وأقمت فـــــي داري الافراح ودقيت المزاهـر والطبــــول

أطربتينـــــي يوم تنهدتي وهمستـــي وقلتيلـي شلونـــــــك
قلبي وعقلي قالوا نحبك وانـــا ما عرفت أيـش اقــــــــول

قمـت وناجيت ربي واشهـــدته اني لا يمكـن أخونــــــــك
وطـاف عليا باقي اليـــوم بين دهشة وفرحـة وذهـــــــول

وكتبت رسالة بأسمي وبدمي أخاطــب فيهــــا ظنونـــــك
وأقسمت ان الفرقــة بيننــــــا ابــدا لا يمكـــن تحــــــــول

صرت دوم أفكر فيكي وأوصي أفكــاري لا يزعجونــــك
أصبحتي عنـدي شــي مقــــدس ولقربك منعت الوصــول

تمنيت اتقن لغــــــة الملائكة حتى كلماتي لا يجرحونـــك
ومن ريح الــــــورد أستخلصت لمعانيها عطور وغسـول

وفي كل صباح صرت ارسلـــــــك تحياتـــي يقعدونـــــك
ويقولون لك صباح الـــورد يا سارقة القلـــوب والعقـــول

ومع كل نسمة ربيعيــــة توصلك همساتـــــــي يدلعونـــك
وزيـــادة في الدلال أطلقت اسم ربيع على كل الفصــــول

يا ريت أقدر اسوي رموش عيوني مشط حتى يسرحونـك
رمش يسرح ويبكي ورمش يتغزل بشعرك المجــــــــدول

ولو قمتي من سريرك دعائي يقولك امشي على هونــــــك
ربي يحرسك من كل عين شافتك ولا صلـت على الرسول

ومن توصلي شباكك تلاقي امنياتــــي عليــه يترجونــــــك
ويقولولك حبيبك منتظر شوفتك لا تخلــي انتظاره يطـــول

انا اللي سنين عمــــري كلها تفتحــت على غصونـــــــــك
وصارت الزهرة الوحيدة اللي ترفض تذبـــل او تــــــزول

وجودي في الدنيا صار مهدد لو كملت طريقـــي بدونــــك
خوفي الحلم اللي انولد امس اصحى باكـــر الاقيه مقتـــول

حبيتـك وصبرت كثيرعلى امل اشواقـــك لعندي يودونـــك
حسافـة صحيح اللي قالوا مو كـــل اللي يصبــر ينــــــــول

حبيتك وأمنتك على حبي وكان كل همـــي اني أصونــــك
خسارة لما افتحلك قلبي وألاقي قلبك تجاهي دوم مقفـــــول

غليتك فوق الغلا كله وطفيت بأفراحي نارك وشجونــــــك
تعبت اتخبط بتفكيري لاجل اعرف ايش بخاطرك يجــول

كـل مشاعري واحساسي على الصراحة خليتهم يبايعونــك
وكل خواطري وأفكاري سخرتهم لشوفتــك يدورون حلول

تكفين حسي بلوعتي وناري اللي ليل نهـــار يتوسلونــــــك
اعتبريني عابر سبيل وتصدقي لله بشــي يكـــون مقبـــــول

طيب اتخيليني عاشق يتيم وقف ببابك يستجـــدي فتونــــك
تكرمي علي ترى عند الله ما يضيع شي يا بنت الاصـــول

يا شيخة احسبيني متســـول يلملم فتات كبريائك وجنونـــك
احسبيني ضرير ولا حتـــى طفل لقيط مرمي ومهمــــــول

ضيعني الوله وارتميــت عطشان عند واحـات جفونــــــك
اشرب بلهفة كل دمعــة عذبـة تفيـــض وتفكر بالنــــــزول

حرام , شوفي فاتورة اهمالك لي ترى زادت فيها ديونـــك
ما أدري الومك ولا عن عذابي انا وحدي اللــي مسئــوول

كنتي لو تطلبين من عيوني النظر بدون تردد يعطونــــــك
ولو طلبتي من قلبي السهر يلبي وهو فرحــان وخجـــــول

ولو تبي حياتي كل ايامها تصير خدم لاجلك يخدمــونــــك
وحتى لو طلبتي من عمري الوقوف يوقف قدامك مشلــول

بعد كل هذه التضحية مني تجي ناس عن حبي يبعدونــــك
وبسرعة البرق تتغيرين وتنسين , يا ترى هذا شي معقـول

تتوهمين لو ظنيتي انك حصلتي ناس اكثر مني يفهمونـــك
انا اللي فاهمك واللي مثلك دايم يكون الحب بقلبهم مغلــول

اللي مثلي شرايين قلبه تنبض بحروف أسمك ويحبونـــــك
بس اللي مثلك انتي حبل ودهم ممدود للغريب وموصـــول

وناسك الغريبة هذه نفسها قريبا رح يملون منك ويرمونك
عندها تذكرين الحبيب اللي سيف نسيانك كان عليه مسلول

لا تتعبي نفسك بالذكرى وردي لاحبابك ممكن ينفعونـــــك
وأياك تفكري تردين لقلبي لانه رح يكون مسكون ومأهول

أطويني صفحة على هامش ايامك اللي جرحتها طعونــــك
وانسينـــــي ترى عالمك بحد ذاتها كون بعيد ومعــــــزول

وحاسبي نفسك بندم وأذرفي دموعك عساهم يطهرونـــــك
وقدمي القرابين وحطي اكليل على قبر العاشق المجهـــول

يا خوفي يكون الغدر فيكي طبع وقتها اطباعك بيدمرونـك
هذا اللي زرعتيه بنفسك شوفي بعينك ايش ناتج المحصول

بالاخر اقولك لو طلبتي من جروحي الغفران بيسامحونـك
بس لا يمكن ارجعلك لاني احبك وما ارضى اعيش مذلول

[/size]

زائر

وفي كل صباح صرت ارسلـــــــك تحياتـــي يقعدونـــــك
ويقولون لك صباح الـــورد يا سارقة القلـــوب والعقـــول

ومع كل نسمة ربيعيــــة توصلك همساتـــــــي يدلعونـــك
وزيـــادة في الدلال أطلقت اسم ربيع على كل الفصــــول

أصبحت بيكي فتفتحت لي كل الأبواب للخير

أمسيت بيكي فكانت ليلتي كلها هناء وسعاده

واليوم أقابلك فتصبح حياتي أجمل حياة

اشكرك اخي الكريم

ولا تحرمنا ما هو جديد لديك

زائر

مرور عطر زين صفحتنا
[size=29]اول حب
مشكور على مرورك يا غالى

[/size]