اهداء الى روح الشهداء

عشب الربيع مهما اندهس بالقدم
او انتنى فى الريح
بيشب تانى لفوق
يغنى للخضره وطعم الالم

حبيبتى وان يسألوكى
قولى مسافر بعيد
رايح يقابل العيد
على قلعه فوق جبل لا
ولا فى سجن جديد
فى غرفه ضيقه
فى ساحة الاعدام برمى رصاص لالا
والا الخلاص منى فى خية المشنقه
مشوار بعيد المعنى عالى الصوت
والشمس تسحب خيوطها
وتنسحب فى خجل

,,,,,,,,,,,,,,,,,,,,,,,,,,,,,,,,

تعبت اقرا الوجوه بحثا عن الانسان
تعبت اقرا اليفط بحثا عن العنوان
كل الخرايط ما توضح
ضاعت الاوطان
,,,,,,,,,,,,,,,,,,,,,,,,,,,,,,,,,,
ويا امى ان يسألوكى
لا يرتعش لك حضن
ولا تردى بحزن
وتقولى راااااااااااااااااااح
ساعتها يبقى الحزن بلا موضوع
والسجن بلا موضوع
والموت بلا اكفان
وكفايه جربنا سنين الموت بالمجان
اتذكرى صوتى ؟؟
مش كان عظيم الشان؟؟
صــــــــــــــــــــوتك نشان
مــــــــــــــــــــوتك بيان
طالع يقول موجود
يا اسمر يا ابو عيون سوود
فكيت طلاسم سحرنا المرصود
وعدلت وش الزمان
صحيت الاوطـــــــان